Գյումրեցի անտուն, տարեց կնոջը Միքայել եպիսկոպոս Աջապահյանն ապահովել է կացարանով
«Շիրակ կենտրոն» ՀԿ-ից «Առաջին լրատվական»-ին տեղեկացնում են, որ իրենք իշխանության տարբեր մարմիններին պարբերաբար հղում են տարաբնույթ գրություններ անօթևան ընտանիքներին հուզող խնդիրների և բնակբաշխման գործընթացի մասին:Նմանատիպ մի գրություն-միջնորդագիր էլ «Շիրակ կենտրոնը» հոկտեմբերի 17-ին ուղարկել է ՀՀ քաղաքաշինության նախարարին` խնդրելով դուռ-պատուհան և տանիք չունեցող կիսակառույց շինության մեջ, իսկ ձմռան ամիսներին էլ կայարանում կամ շենքերի մուտքերում պարտադրված գիշերող Սուսաննա Եղտիարյանին բացառության կարգով հատկացնել դեռ նախորդ տարի Մուշ-2 թաղամասում շահագործված, սակայն մինչև օրս չբաշխված հինգ բնակարաններից որևէ մեկը` չսպասելով բնակարանների հաջորդ տարի նախատեսված ընդհանուր բաշխմանը:
Ս. Եղտիարյանի ընտանիքը երկրաշարժին կորցրել է 2 սենյականոց բնակարան, սակայն ներկայում բարձրագույն կրթությամբ 62-ամյա կինը մնացել է միայնակ, որդին և քույրը մահացել են, նա հաշվառված է Գյումրու անօթևանների հերթացուցակի 1-սենյականոց բնակարանի հավակնորդների 812-րդ հերթական համարում:
«Շիրակ կենտրոն» ՀԿ-ի ներկայացրած միջնորդագրին հաջորդող բնակբաշխման առաջին իսկ նիստում` հոկտեմբերի 19-ին, ՀՀ քաղաքաշինության նախարար Վարդան Վարդանյանից կենտրոնն ստացել է բանավոր մերժում:
ՀԱԵ Շիրակի թեմի առաջնորդը, արձագանքելով «Շիրակ կենտրոնի» խնդրանքին, անտուն կնոջը տաք և ապահով ապաստան է տրամադրել թեմի սոցիալ-կրթական կենտրոնի շենքում:
Комментариев нет:
Отправить комментарий